आमा मेरी आमा

आमा मेरी आमा तिमि छौ कता ?

आउछ तिम्रो सम्जना सदा सदा
पोख्दैनौ किन आफ्नो पीडा ?
म त बसाई सरेर आईसके,
नयाँ संसारमा रमाई सके ।

आमा मेरी आमा तिमि छौ कता ?
सम्जेर मलाई रुन्छेउ होलाऊ।
चाडवाडमा कुरेर बस्छेउ होलाऊ।
म त नयाँ रमझममा भुलेसके।
नया रितिरिवाजले घेरिसके।

आमा मेरी आमा तिमि छौ कता ?
म सधै हिड्ने बाटोलाई हेर्छेउ होलाऊ।
म सुत्ने कोठामा बस्छेउ होलाऊ।
म त जीवनको उतार-चडाब बुज्नलागे।
आफ्नो अस्तितोको खोजीमा लागे।

आमा मेरी आमा तिमि छौ कता ?
सपनीमा मलाई सधै देख्छेउ होलाऊ।
बिहानीमा सम्जीसम्जी रुन्छेउ होलाऊ।
म त नयाँ जीवन दीनलाई प्रतिक्ष्या मा छु,
यी दिनका पीडा, दुखः सम्जेर,
आउछ तिम्रो याद घरिघरि।

आमा मेरी आमा येती कस्ट सहेर,
मलाई संसार देखाई दीयौ।
सकिन तिम्रो माया बुज्न पहिले,
आमा भएर महसुश गर्दैछु आज।

आमा तिमि जत्तिनै पीडा दुखः भएपनि,
देख्न चाहन्छेउ सन्तानलाई सुख।
आमा मेरी आमा तिमि छौ कता ?

बादल सगै रमाएकी थिए

बादल सगै रमाएकी थिए,

सावन बनी झरी दियौ ।

फूल संगै हासीरहेकी थिए,

काँडा बीजाई रुवाई गयौ ।

खोला संगै बगीरहेकी थिए,

बाध बनाई रोकी दियौ ।

आकाश संगै खेलीरहेकी थिए

पाताल लगी छोडी दीयौ।

पवन संगै उडीरहेकी थिए,

आधिआई पछाडी गयौ ।

जुनेली संगै नाच्दै थिए,

ग्रहण बनी छेकी दीयौ।

आफु संगै रमाएकी थिए,

मुटु चोरी लगी दीयौ।

खग्रासकी जुन होइन..

खग्रासकी जुन होइन,
पुर्णिमाकी जुन हु म।
मरभुमीकी कैक्टस होइन,
आगनकी तुलसी हु म।
पत्झडको पात होइन,
बषन्तकी पालुवा हु म।
ओइलायेकी फूल होइन,
फुलिरहेकी गुलाब हु म।
पिजडाकी चरी होइन,
उन्मुक्त उडिरहेकी चरी हु म।
अस्तायेकी जुन होइन
उदाएकी घाम हु म।
रोईरहेकी सिता होइन,
नाचिरहेकी राधा हु म।

नारी तिमी...

नारी तिमी

नारी तिमीलाई देवी को रुपमा पुजिन्छ ।
नारी तिमीलाई सरस्वती  को रुपमा पुजिन्छ ।
नारी तिमीलाई लक्ष्मी को रुपमा पुजिन्छ ।

मन्दिरमा तिमीलाई पुजिन्छ नारी ।
घरमा तिमीलाई कुटिन्छ  नारी ।
हिमालमा तिमीलाई राखिन्छ नारी ।
तराई मा तिमीलाई जलायिन्छ नारी ।

बिद्याकि देवी भनेर पाठसालाहरुमा पुजिन्छ ।
बिद्यालय जाने बेला घरको काममा लगायिन्छ ।
सानै उमेरमा विवाहको गन्ध्रवामा बधिन्छ ।
ससुराली गएपछी अशिछित भनेर हेपिन्छ ।

धनकि देवी भनेर घरको सुन्दर स्थानमा पुजिन्छ,
परेको बेलामा एक एक पैसाको लागि तड्पायिन्छ ।
तिमीसंग जतिनै अपार सम्पति भएपनि,
कानुनी र सामाजिक संजालबाट बन्चित गरायिन्छ ।

नारी तिमीले अरुको खुसि मा खुसि हुनुपर्ने,
नारी तिमीले अरुको दुख मा दुखि हुनुपर्ने।
तिम्रो खुसि मा को ले खुसि हुने ?
तिम्रो दुखमा को ले दुखि हुने ?

तिमि रजस्वला हुदा कालकोठरीमा राखिन्छ,
तिमि सौभाग्यवती हुनलाई पनि नखाई ब्रत बसायिन्छ ।
तिमीले मान्नै पर्ने सबै धर्म कर्म,
तिमीले मान्नै पर्ने सबै बिधि बिधान ।

तिमि नारी भएकै कारणले पुजिंछौ।
तिमि नारी भएकै कारणले बेचिंछौ।
तिमि नारी भएकै कारणले बलात्कृत हुन्छेउ ।
तिमि नारी भएकै कारणले अपहेलित हुन्छेउ ।

नारी खै त तिमीलाई बहिनी पूजा ?
नारी खै त तिमीलाई रक्छ्या बन्धन ?
नारी खै त तिमीलाई तीज बर्त ?

नारी खै त तिमीलाई सीता भनि पूजेको ?
नारी खै त तिमीलाई पार्वती भनि पूजेको ?
नारी खै त तिमीलाई राधा भनि पूजेको ?
नारी खै त तिमीलाई येशोधरा भनि पूजेको ?

नारी तिमि प्रकृतिको अनुकम्प उपहार हौ,
जेभएपनि तिमि हासी हाँसी हाँसी सहन्छौ।