जीवन संगीत सुनिन्छ त्यहाँ....

जीवन संगीत सुनिन्छ त्यहाँ,
जहाँ नदीको कल्कलाहट हुन्छ ।
जीवन संगीत सुनिन्छ त्यहाँ,
जहाँ चराको गुन्गुनाहट हुन्छ ।

जीवन संगीत तिम्रो मनमा छ ।
जीवन संगीत तिम्रो तनमा छ ।
यस लाई तिमीले बुज्नु जरुरी छ ।

जीवन संगीत सुक्खा पातमा छ ।
जीवन संगीत कक्रीएका हागामा छ ।
मनलाई यसमा समाहित गर्न जरुरी छ ।

सारा संसारलाई भुलेर नाची हेर,
आफूसंगै भुलेर झुमी हेर,
फूलको थुंगालाई चुमी हेर,
म को हु भन्ने बुझेर हेर,
जीवन संगीत सुनिन्छ त्यहाँ ।

कसैलाई तिम्रो हासो दिएर हेर,
भोकालाई दुई छाक खुवाएर हेर,
बालकलाई माया दिएर हेर,
बृद्दलाई छाया दिएर हेर,

जीवन संगीत सुनिन्छ त्यहाँ।
जीवन संगीत सुनिन्छ त्यहाँ।।